OpennetUZ

Salom dunyo!
Hozirda HTML, CSS’dan o‘tib, jQuery’ni o‘rganayapman. Quyida o‘zim uchun kashf qilgan juda sodda va foydali maslahatlarni yig‘ib chiqdim. Maqola yangi foydalanuvchilar uchun “ajoyib” deb o‘qib chiqishga, professionallar uchun esa “yomonmas” deyishga arzigulik chiqsa, maqsadimga yetgan bo‘laman.
Barchamizga ma’lumki, JavaScriptning bitta animatsiya yoki HTML-sahifaga bog‘lanishi uchun uzundan-uzoq kod yozish zarurligi, bunda yozilgan kodning barcha brauzerlarda (cross-browsing) bir xil ishlashini ta’minlash qiyinroq masala. Bu hol foydalanish uchun qulay library’larni ommalashtirib yubordi. Shu jumladan jQueryni ham. U yangi dasturlash tili emas, shunchaki judayam sodda va tushunarli tuzilgan kutubxona, xolos. jQuery’ni o‘rganish uchun 1-2 ta kitoblarni, onlayn darslarni titib chiqib, eng samaralisi 30 kunda jQueryni o‘rganish (30 days to learn jQuery) video-darsi ekanligini tushundim. Hali o‘rganishni boshlamagan do‘stlarimga shundan o‘rganishni tavsiya qilaman.

1-maqolaning davomi…

Moslashuvchan rasmlar
Moslashuvchan dizaynlar bilan ishlayotganda kelib chiqadigan eng asosiy muammolardan biri bu rasmlar bilan ishlashdir. Rasm o’lchamini proporsional(har tomonini teng) o’zgartirish uchun ko’plab usullar bor va ba’zilar judayam oson.

Hozirgi kundagi har bir internet foydalanuvchisi o’zlarining kundalik web-saytlarining mobil versiyasi ham bo’lishini hohlashadi. Buni amaliy jihatdan olib qaraganda bir dizayn har bir qurilma ekraninga mos tushishi muhimdir. Keyingi yillarda yana biz boshqa kashfiyotlar uchun ham dizayn qilishimizga to’g’ri keladi. Ushbu maqolani yozishga undagan asosiy sabab, mobil uchun web-ilovalar yaratishni o'rganayotganim bo'ldi. mobil telefon uchun web-ilovalar yaratish uchun, albatta moslashuvchan web-dizaynni o'rganib chiqish muhimdir.

Ushbu misol CSS, HTML va jQuery yordamida amalga oshiriladi va jQuerydan boshlang’ich bilimlar yetarli. Drop-Down menyu haqida web-dasturchilar yaxshi biladilar.